Yande Mawnde yimɓe gilla diiwe ɗuuɗɗe kawri to laamorde Bichi to diiwal Kano ngam haɓɓoode teegal ɓii hooreejo lesdi Naajeeriya, Yusuf Buhari e ɓii laamɗo Bichi, Zahra Nasiru Ado Bayero.
Mawɓe yaalɗirɓe kawtii e kanko hooreejo lesdi Naajeeriya, Muhammadu Buhari, e hooreejo lesdi Naajeeriya ɓoymaajo, Goodluck Ebele Jonathan, e hooreejo lesdi Niijer ɓoymaajo, Mouhammadou Isoufou, e ballo hooreejo lesdi Naajeeriya ɓoymaajo, Atiku Abubakar e maa jaagorɗo fiiji caakol kubaruuji e maa faaggudu lesdi, Dr Isa Ali Ibrahim Pantami e woɓɓe mawɓe mawɓe.
Ammaa huunde haayɗiniinde, laamɗo Kano, Alhaji Aminu Ado Bayero e maa yimɓe laamorde nden fuu njalɗiraay. Non laamɗo Gaya maa yaalɗiraay ammaa o yerɓii wakiili’en maako.