By Abdulbaki Ahmad
“Banndiraaɓe”
To moɓtorde yimooɓe ɗiɗaɓre nde Yimooɓe to Naajeeriya (Poets in Nigeria) yuɓɓi to Ikorodu to diiwal Leegas ngaɗande hakkunde 15-16 lewru Siilo nduuɓu 2021, ka anndinaama dow dental Ɗemɗe Yimre (Tongues of Poetry) laatiingal ko tiggaande nder dental Yimooɓe to Naajeeriya yeeynay winndaannde gime nder ɗemngal Fulfulde inniraaɗum “PIN Fulfulde Poetry Prize (PFPP)”.
Tongues of Poetry e daranii Faddaaki ɗemɗe musinaaɗe to lesdi Naajeeriya e finaatawaa ta laawol winnduki gime ngam reentaaki finaatawaa yimɓe lesdi ndin.
Nder hitaande 2016 (ToP) fuɗɗiri e kuuɗe Kolade Olanrewaju, seketereejo PIN, to o darii darnde ndaartoowo. Ɓaawo ɗon (caggal non) Amarachi C Attamah, kaɓanoowo ɗemngal Igbo, njaɓti jaɓruɗe dogginol piiji ɗin, to yimre ɗemngal Igbo heɓi naatineeki nder wallifaaku, to gimi ɗin winndaa nder jaaynde PIN nde fecco-feccere hitaande, e maa gonndal e yimooɓe ɓen.
Sabu ɗum ko yeewtaa to dow, waɗi Fulfulde kayre maa nde adaa. Dokkal ngal wallay yimooɓe e ko ɓe keɓata, sabu non, no ɗum yeloo Fulɓe yimooɓe semmbiɗinay boo ɗittina aɗɗe booɗɗe ɗe binndi yimre e maa naftirki yimre to wannginki piiji taariiɗi-ɓe.
Dokkal:
1. N50,000 woni ko tato nder jaaltiiɓe ɓurduɓe heeɓata.
2. 2. Kala gimi suɓtaaɗi fuu heɓay winndeeki to loowre geese PIN.
3. 3. Gimi suɓtaaɗi ɗin heɓay winndeeki nder jaaynde PIN ngaɗeteende kala fecco-feccere hitaande fuu.
4. 4. Kala tawtoraaɓe to jottootiral ngal, heɓay hokkeeki ɗereeji seedaramku.
5. Doosɗe:
6. 1. Saawdu gimi ɗin foti wona dow kala huunde fuu.
7. 2. Gimi ɗin doole winndee laaɓɗum, sella, taa wonnda e boofol, nden binndi ɗin laato yahdii e Binndol Ngerdaangol sarde Bensondiral Bamaako e nduuɓu 1966.
8. 3. Gimi ɗin foti winndiree kadin e binndol ADLAM.
9. 4. Kala tawtoraaɗo foti nilda gimi faa kannji ɗiɗi.
10. 5. Binndi yimre nden fuɗɗay jaɓeeki gila 1ɓre lewru Seeɗto, 2021, boo ɗi ngona maral nilduɗo on.
6. Gimi ɗin foti nildee ta: topfulfulde@gmail.com
Ngam heɓki bayaanuuji goɗɗi nildu: topfulfulde@gmail.com malla a ƴewna +2347060463369
Abdulbaki A Ahmad
Ndaartoowo, Ɗemngal Yimre ngal Fulfulde.
