Bindol: Abdullahi Sow

Gomnaajo diiwal Borno Babagana Umar Zulum wii; Woodi Tuubanko’en Asiyankooɓe e Masihanko’en nder Huɓɓirde balmanko’en Boko Haram.

Duuɓi saaliɗi warugo jonta leydi Borno, Adamawa e Yobe ɗo habda be kippe ɗe balmanko’en ɓen, ujuneeje sooyiti non miliyonji bo eggi Sabo kippi maɓɓe ɓen.

Ha moftorde 17th Gani Fawehinmi annual lecture nder diiwal Lagos, Zulum wii; “Soynde jonde jam nder diiwal Borno huusitiri waana ká tammi torrago lesdi ndin fuf ngamman haandi min kawta ko’e men gam wadduki ragare man.”

“Mi ɓii diiwal Borno, ɓiɓɓe men ɗuuɗɓe ɗo nder Boko Haram, mi fotai mi sala amma yimɓe ɗuɗbe on ɗo hoosa teddeenga maɓɓe nder windere.
Woodi Tuubanko’en (Nasaarankooɓe e Asiyankooɓe), woodi Afirkanaɓe, Masihanko’en e juulɓe.” O ɓesdi

“Nder fuuna Nijeria fuu, koo mi wia diiwal Borno komitii ɗo habda no moƴƴinira jangirrle pukaraaku (almajiri) ngam jannginki pukaraaɓe ɓen andal diina e jamanu, ekkitinaɓe dabareeji ngam ɓe wurta nder jahilaare e ɓe heɓɓa ko ɓe jonngitira. Minon fuu min wala kokka baawal ɓawo tornde dow laabi. “

“Doole min acca laarugo soynde joonde jam ɗo bana gacce fuuna lesdi ndin tan. kilomiitaaji 1,700km on hakkunde Borno be Lagos amma anden to ni diiwal Borno jooɗai jam luttuɗi diiwe ɗe fuu ɗe jooɗatako jam. Haandi en kawta en ngadda ragare man.
Min ɗo ndaara ko yimɓe Liibiya, Irak e lesɗe luttuɗe kabdirta.

Sona min itti lenyamaaku, yiɗanare e beege diina, min yahata yeeso ha lesdi ndi.
Diidaaɗil lesdi ndi laaɓɓini dow tabbitinki joonde jam e kawtal ko’e men non ɗi laati nder diidaaɗi mawɗi amma min ƴaɓɓiiɗi.”

Woodi noddangu gam wadduki taadiiɓe ɓe diiwe gam wallutuki dow jonde jam amma o hokkai baawal ɓawo maako ngam odo yia torraka ɓe tammi waddugo tammi ɓurugo wallinde nde ɓe tammi waddugo.

“Gam kawtal ko’e men, mi baawata ɓaawo waɗɗugo taadiiɓe diiwe. Min kewtay Wakkati man tawan, amma sese faago yeso ɗum dabare woonde. Mi ɗo mari dungaire wi’ugo ko mi faami.” O wii.

1 Comment »

  1. Bindol ngo’ol tilimngol sanne, ko kiirlitid-mi ni Abdullahi Sow no ɗum derkeejo kaandu tiiɗ-ɗineeki ngam bindirgol maako laaɓngol, yo Allah wallir njamu e juutal balɗe.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s