Ko dew & gor ( dewum e gorum ) tan woodi e tagoore waɗnde wonki, ko ɗuum tan kadi pulaar haali ɗoon.
Ko ɗuum waɗi innde kala ko gorum e dewum, innaa ɗoon abbitinee e huunde nde.
Neɗɗo gorko – neɗɗo dewo ( debbo ).
Kono noon wiyaa tan gorko e debbo sabu ina anndaa kamɓe ɗiɗo fof ko ɓe yimɓe, ko kamɓe ɗiɗo tan kadi ngoni yimɓe.
Ko wonaa yimɓe ko ne ko noon tan : puccu ngoru – puccu ndewu ( ndebbu )
Mbabba ngora ( ngorba ) – mbabba ndewa …
Mbaroodi ngordi – ndewri
Kankaleewal goral – dewal.

Ndamndi e njawdi e ngaari ina ɗesi selde innde ngoraagu nde, tawnoo ko ɓuri heewde heen ko ngoraagu e ndewaagu innaa ɗoon ; gor & dew, dewo ko dewɗo walla dewaaɗo , ko rewondirde tan woni ɗoon , nde tawnoo pulaar haalataa ko anndaa walla ko anndaano, ɗemngal kadi ko gayno ina majjiree jawdi mum !

Ko ɗuum waɗi pulaar itti ” dewo ” waɗti ɗum ” debbo ” haa woowiraama noon, kono paamen so wiyaama :
debbeo
mbaalu ndebbu
nagge rebbe
gertogal debbal.
Ɗuum yaltii rewde e rewondirde e kuuɓal wontii debbude.
Mbaalu ko ndewu.
Nagge rewe
Gertogal dewal, [ maa wood noon biyɗo gertogal debbal wiyetaake , kono noon ko addi mbaalu ndebbu nagge rebbe , ko ɗuum fotnoo addude gertogal debbal, kono noon pulaar goowaaɗo mo sellaani jaɓnat ɗo salna too tawa ko e mbaydi ngootiri.

Bindol: Idriisa Ka

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s