ƊAŊRE FUNEERE NGAAWE YIYTAAMA, (ADUNA KESO)

Sharing is caring!

Holliti won’de njiyti ɗaŋre hsere waande no ɗaŋre men    Ngaawe, nde wiya TOI 700 d ; nanndugol mayre e Ngaawe weeɓaani gooŋɗin’de sabu e nde woɗɗi no feewi, ko duuɓi ujjunnaaje teemedde waɗete e laawol so neɗɗo woniri yahde toon.
TOI 700 d ko ɗaŋre boowal seto-naange, ɗuum firti ko Naange woɗnge nge wonaa nge ngannduɗen nge nde rewi, haa hannde eɗen njahra e ko ɓuri 4 000 ɗaŋe boowal seto-naange jiytaaɗe, kono nde ɗoo yiytaande ngol won ko heerori.
Ko adi fo ko e nde ɓadii men, kayre fo e woɗɗude, so nde waɗdaama e goɗɗe ɗe nde wiyete ko nde ɓadiinde, nde woni ko hedde 100 hitaande-lewndu, yanti heen ɗo nde dogata ɗo ko e lefol nguurndam woni, ɗuum firti ko nde ɓadaagi Naange mayre haa nguleeki ɓurta e mayr kadi nde woɗɗaani haa geɗe mayre fo fenndo sabu ɓuuɓol, ko oon nokku woni lefol nguurndam, ɗuum noon eɗen mbaawi hoddirde won’de ndiyam ina foti waawde won’de heen tawa kadi ko e mbaadi ndeelam, no Aduna men o ni.
Enen fo noon eɗen nganndi won’de ndiyam woni ndaɗɗudi nguurndam, so eɗen njiylo ko wuuri yoo taw ndiyam ina tawe e oon nokku.
Annduɓe ina kumpa no TOI 700 d way, mbela ɗaŋre nde ina waɗi ndiyam, walla boom so tawi won ko wuuri toon ?
Ɗaŋre ina hoɗo tawa ko waɗi wonki alaa toon, ganndanɗen nde tan ko e nde ɗeɓi fotde to mawneeki e ɗaŋre men Ngaawe, kadi ina gasa tawa ko nde kaaƴhaaƴilde.
TOI 700 d woni ɗaŋre nde niiwnorgal TESS ngal NASA adi yiytude e nder cukkiri koode, ngal yowa to weeyo ko hitaande 2018 ngam yiylaade ɗaŋe boowal seto-naange nannduɗe e Ngaawe.
Adan annduɓe paamaano ko ɗaŋre woni ɗoon, nde niiwnorgal holliɓe nde, ko yiɗɓe ganndal weeyo ngadi faamde ko ɗaŋre suuɗi e ko niiwnorgal ngal neldi ko, ina jeya e maɓɓe cukalel janngowel ina wiye Alton Spenser, ɓe kolliti juumre annduɓe weeyo ɓe, ɓe pammini ɓe tigi ko ɗaŋre nanndunde e ɗaŋre men woni ɗoon.
Ko ender ɗatal Jasar ɗaŋre nde yiyta
Jooni kay yo ɓe njokku wiɗtude haa ɓuren heɓde heen ko laaɓi.

(Pullo Hande)15-01-2020

Leave a Reply

This site uses Akismet to reduce spam. Learn how your comment data is processed.