Hukuma coodanayka gomnati areje wii’éteka “Bureau Of Public Procurement” haa diwol Adamawa ñyande njaslaare malla Alamiisa, taskiti elto ngo ñyalde woore ngam famtinki nastinoɓe areje malla soodoɓe dow no kuuɗe ɗen dogginte dow laabi matootiral.
Elto ngon dogginama haa nokkuure wii’etende “City Green Hotel” ɗakki jangirde elto Mallum’en, wato “Federal College Of Education” Yola, ɗum hokki elto lee kala giɗɗo huuwiday e minestereji, pamari hukuumaji, ema jangirle. Nder diwol Adamawa.
Nder boliɗe maako haa lamar kan, Diractojo Mawɗo moo hukuuma kan nder diwol Adamawa, Mallum Abba Bello andini e wii’uki elto ngon waajibu, ngam dilluki e jamanu kal-kal.
Bello Umar wii elto ngon waɗama noo haani, haa wakkatiire haanunde. Nden o mani Gomnajo diwol Adamawa Alhaji Ahmadu Umaru Fintiri e tiiganki hukuuma kan, ngam ka doggina kuuɗe maaka no haani.
E ko nandi e kan man, Diractojo Mawɗo on, mani ardiiɗo hukuuma kan e kuudidiraaɓe maako e tiinaare maɓɓe ngam yiigo taskaram kan ka dogginama no haani.
Bello Umar mani heɓuɓe elto ngon ngam yalɗirki taskaram kan, owii ka waɗama takanas ngam ɓesdana ɓee faamu/ilmu noo kuuɗe ɗen dogginte dow laabi maatootiral.
Owii minestereji kuuɗe/golle ena faggudu/ceede, ɓoyma puɗɗi sooduki areje kuuɗe/golle haa dow laabi maatootiral.
Isa Sajo Lekki, nde o wolwanno dow darnde eltaɓe ɓen, o yettake hukuuma “Bureau” e taskitanaki ɓe elto ngon, nden o nodditi/ƴewniti luttuɓe ɓee kuutinira ilmu/andal ngal ɓee keɓi banno haani.
Sarde/yaake lamar kan dogginte, eltaɓe ɓen mbaɗii ƴamɗe, nden ɗum jaabanake ɓee ƴamɗe maɓɓe.
Bindol: Hassanu Giɗaɗo Suɗi(KRI)
