Yiɗiino mi tawaaɗo laddeLadde amin saawi boteeji keewɗi,Mi yiɗiino mi tawaano laddeTo hakkiilo e jam hoɗi wernaa,Mi yiɗiino mi tawaaɗo laddeTo ngaƴaandi honaa halkaa,Mi yiɗiino mi tawaaɗo laddeTo ladde hokkata yetta,Mi yiɗiino mi tawaaɗo laddeTo colli yimanta yimɓe,Mi yiɗiino mi tawaaɗo laddeTo nagge duroyta haara,Mi yiɗiino mi tawaaɗo laddeTo Pullo ardii laami, Mi yiɗiino mi tawaaɗo laddeTo pulaaku jogaa maraa,Mi yiɗiino mi tawaaɗo laddeTo henndu wipoyta asira,Mi yiɗiino mi tawaaɗo laddeTo mi irfotoo nde jaangol,Mi yiiɗiino mi tawaaɗo laddeTo ɓiɓɓe-ladde yo caahu lekki,Mi yiɗiino mi tawaaɗo ladde To sarde julde anndee ɗowɗe,Mi yiɗiino mi tawaaɗo laddeTo koode ɗoftataa am to njah-mi,Mi yiɗiino mi tawaaɗo laddeTo waalooji ilata to caanɗi,Mi yiiɗiino mi tawaaɗo laddeTo walaa mo anndaaka,Mi yiɗiino mi tawaaɗo laddeTo aadi e aɗɗe yiɓanaa waala,Mi yiɗiino mi tawaaɗo laddeTo mi sumpata mi sumpee,Mi yiɗiino mi tawaaɗo laddeTo inɗe kaakiraaɓe majjataayam,Mi yiɗiino mi tawaaɗo laddeTo maama siidata taanum,Mi yiɗiino mi tawaaɗo laddeTo innde apo anndataake,Mi yiɗiino mi taawaaɗo laddeTo gorko yo giɗo teddinteeɗo,Mi yiɗiino mi tawaaɗo laddeTo goɗɗo tonyataa tonyataake,Mi yiɗiino mi tawaaɗo laddeTo mo fottuɗaa fuu yo banndam,Mi yiɗiino mi tawaaɗo laddeTo nyiwre yo jemma, duɗal huɓɓe,Mi yiɗiino mi tawaaɗo to laddeTo nyalawma mi surgata njawdi,Mi yiɗiino mi tawaaɗo laddeTo mi njuɗata mi ƴakka,Mi yiɗiino mi tawaaɗo laddeTo mi irtata mi jonnga,Mi yiɗiino mi tawaaɗo laddeTo tettayan-mi mi fowna,Mi yiɗiino mi tawaaɗo laddeTo jannde ɗuuɗaa, anndal ɗuuɗi,Mi yiɗiino mi tawaaɗo laddeTo goonga yo kuugal, fewre yo haala,Mi yiiɗiino mi tawaaɗo laddeTo anndata a neɗɗo dimaaɗo,Mi yiɗiino a tawaaɗo laddeTo giɗɗo jalantama nganyo leppee,Mi yiɗiino mi tawaaɗo laddeTo Teete haalta nanee,Mi yiɗiino en tawaaɓe laddeAnnden bote ngeendam!!!
Bindol: M I, Surajo Teete
