Allah hokkii yam Laamu, Alpha Conde semti

Sharing is caring!

“Alpha Condé haɓdi anndal e dabare ngam taa mi suɓee hooreejo” Umaru Siisoko Mbalo, hooreejo Gine Biso.
Kuuɓɗo Umaru Siisoko Mbalo, ceefanaaɗo giidal har private television tfm wonande haa Senegal,wanngini gondal maako e hooreejo lesdi Gine, bi’eteeɗo Alpha Condé.
Min ndoolaama har gondal dow jam e heddiraaɓe amin ɓadiiɓe nder yeɓre diiwe. Hooreejo Alpha Condé ɗon anndi jonta min ngarti huudiɗɗaaɓe,…min ndoolaama har yejjitgo ko saali e bo min njahdat dow ardungal ngal yimɓe amin min ardanaa”. Boliiɗe hooreejo keso mo Gine Biso.
“O fotaayi jokkugo ngayngu dow tuugorde soynde yiɗgo yam. O haaɓdi anndal e dabare ngam taa mi latto hooreejo. Tanni gilla nde ginebisonnaaɓe cuɓi yam, kaɓdal hakkunde amin yibbinaama, min lattaaki Senghor e Sekou Toure”,Mbalo faamtini.
Taskitaare dow am heedi wongo Alpha Condé ko mawnam, ngam o marat duuɓi ɗi maama am, kuuɓɗo Mbalo wi’i.
O anndini o rokkat Alpha Condé teddeele ɗe o hanndana kam fuu.”Mi yankinanat mo yankinaare nde leeɓanta mo fuu. O doolaaka har yiɗgo yam koo no foti fuu, mi yankinanat mo ngam kuudal hakkunde amin e kanko bo o ƴownaama har ru’itgo hakkiilo maako ngam yankinaare wona hakkunde amin” o wi’i.
Hooreejo Gine Biso keso wi’i o ɗon jogi gondal boonngal e hooreeɓe lesɗe duunde Baaba ba nanta Maky Sall mo Senegal, Sasu Ngesu mo Kongo, haa fahin hooreejo ɓoymaajo mo Burkina Faso, Blaise Compaore e mayɗo mo Libye, Al-kaddaafi.
Bannginol cuɓi ɗi laawol ɗiɗaɓol ɗi hoore laamu Gine Biso. Mbalo suɓaama har geɓe 53,55% yeeso kaɓdiɗɗaawo maako Pereina kanum bo heɓi geɓe 46,45% dow cuɓi limaaɗi.
Jaalagal ngaal gasni timmoode laamu ɓeya.

About kooderadiointernational

The Radio Broadcast all the way from the heart of Nigeria.

View all posts by kooderadiointernational →

Leave a Reply

This site uses Akismet to reduce spam. Learn how your comment data is processed.