Sharing is caring!

Ɓii madalisajo wakkilanɗo Kebbi Fombinankere, Bala Ibn Na’Allah, nde wolwanno dow mayde ɓiiko Abdulkareem, moo wara e Malali nder diwol Kaduna, owii yoonki ɓiiko ɓuray yoonki kala ɓii Nigeria.

Nder booliɗe ɗerewol ngol o wurtini ñyande Altine/Aɓuunde, Bala Na’Allah wii, oɗon yelo mayde ɓiiko wallitan e heɓuki wurtorde dow gannuɗii ɗi lesdi ndii yiidata.

Na’Allah wolaɗon lesdi Nigeria sarde ɗum fee’a amma owii, waɗɓe warhoore nden, na balmi binndigaji ɓee njoogii.

“Ɓee keɓi nastuki wuro/saare mayɗo on hedi coorkel goɗngel dow nƴiiɓaalo ngon”.

“Yoonki mayɗo on ɓuray yoonkije ɓiɓe Nigeria’en luttuɓe. Minon leñyol mako, min njaaɓi hoddirore Jewmiraawoo e mayde Abdulkareem. Min nootake noddali dow lenguru juuɗe, min ngii pataakeji foofo, e ngilla foofo, ngam man, yettore wodani jewmiraawoo. Na’Allah wii.

Na’Allah hako wakilta Kebbi fombinankere, nden ardiiɗo ”Senate Committee on Air Force” o ɓesdi e wiigo “Ɗum mettenake Amin sanne eno o wara, amma ɗum hoddirore, boo min njaɓuɓe nde.

O yetti taadiiɓe/police ema gomnati diwol Kaduna e tiinaare maɓɓe. Owii Allah ceniɗo hinnomoo.

Saare jarida Daily trust filli dow Abdulkareem moo duuɓi 36, hanko on ɓiɗɗo gorko mawɗo lee Na’Allah. O warama dow laawol Umar Gwandu, Malali nder gallure Kaduna.

Taadiɓe/police wii bonna-bonnalu en ɓen ndillidii moota mako ɓawo/Caggal nde ɓe kuutiniri sembe ɓee pusi saare mako.

Binnduuɗo: Hassanu Giɗaɗo Suɗi.