Sharing is caring!

Ardiido lesdi Nigeria Muhammad Buhari wii haaje ECOWAS nder lesdi maali ni nga tabbitina jonde jam nder maari man sabo reta lesdi man fu do nder juude saggarle en.

Ardiido Nigeria Buhari wii ka baawo o  jabbi wakilijo ECOWAS wakkilinowo lesde Africa woyilaari Goodluck Jonathan  Ardiido lesdi Nigeria boymaajo.

Muhammad Buhari wii ” ko yaarata pecce didi nder pecce tati lesdi man fuu do nder juude saggarle en hande ngammajum seetugo lesdi man handi min wada ha yeso na haje komoy.

Odo yela dawridal wonai hakkunde ardiibe to be kauti nyande jumbaare ngam tabbitina jonde jam e Ardiido boymaajo andinimo hippibe laamu lesdima do yela joduki dow laamu je duubi tati hiddeko be wada cubol.

“Min yami be acca Ardiido bortaado Ibrahim Boubacar Keita hoota ha saare be vii o ertan yaasi leddi e o wortata o tonta yami mabbe” Good luck Jonathan Wii.

“Mi yecci be ko ECOWAS yerdata ni jogade laamu ha juude bii leddi na ha jude taadido ko saggarle en ba je lebbi jowego (6) faago lebbi jowenai (9) e daayi man lebbi sappo e didi (12) nden dum taskina cuubol bano didaadi lesdi wadi.”

Dr Jonathan firliti konko be mobgal maako be yilli ardiido bortado e tabbitin be yidande maako o wallini hoore e Wii o Wala haaje lortugo dow korwal maako fahin.