Timmungal dirtungal
Goomu 2 e 3.
Le passé antérieur des verbes de la voix moyenne et passive
Baɗal muumal ngal ko eewnaade. Ngal firlitaa ɗoo ko e timmungal dirtungal.
Timmungal dirtungal woni ngal timmugol baɗgol mum alaa luural. Ko maande noo ngal heɓtinirtee.
ma cakkitiiɗo oo jeyaa ko e maande timmungal mehal, ngal nganndu-ɗaa ko iima woni maande mum. no maande dirtungal ari feeci maande timmungal mehal, sammini laaɓngal mum i, wostitii ngal o, maande wonti noo pooɗɗo.
A) : Pirlitogol timmungal 3, e daande baɗotoongal goomu 2 ( voix moyenne) : laamaade ( Avoir gouverné)
1). Timmungal 3 mehal ( Accompli 3 simple de la voix moyenne)
Mi laamiima
A laamiima
O laamiima
Min laamiima
En laamiima
On laamiima
Ɓe laamiima
2). Timmungal 3 dirtungal goomu 2 ( Accompli 3, passé antérieur de la voix moyenne ou 2ème groupe)
So en pirlitii ngal e timmungal 3 dirtungal, woni so en ɗisii (-noo) e nder maande timmungal mehal, ndañen :
Mi laaminooma
A laaminooma
O laaminooma
Min laaminooma
En laaminooma
On laaminooma
Ɓe laaminooma
B). Pirlitogol goomu tataɓu, daande baɗangal ( voix passive ), e timmungal 3 : laameede ( être gouverné )
1). Timmungal 3 mehal ( Conjugaison de l’accompli 3, forme simple, à la voix passive)
Mi laamaama
A laamaama
O laamaama
Min laamaama
En laamaama
On laamaama
Ɓe laamaama
2) Pirlitogol timmungal 3, goomu 3, dirtungal ( conjugaison du passé révolu, forme passive )
Mi laamanooma
A laamanooma
O laamanooma
Min laamanooma
En laamanooma
On laamanooma
Ɓe laamanooma
Hono no teskori-ɗen ɗum nii, timmungal 3 dirtungal wonande goomu 2 e goomu 3, jeyaa ko e mbaydiiji pirlitogol baɗal pulaar ɓurɗi saɗtude, sabu maande dirtinoore sahaa nde tummbotoo ko e hakkunde teru maande sahaa timmungal 3 mehal, ruttoo kadi sammina laaɓngal mum, wostitoo ngal o, ko ɗuum woni -noo pooɗɗo tummbiiɗo tenngu renngu e maande mbayka timmungal 3 mehal ngal.
II). Ekkorɗe tabitingol ( Exercices pratiques)
….
Cours de grammaire : pulaar
Niveau : 5
Dispensé par : Amadou Tidiane KANE, formateur, grammairien.