Hey janngoowo Tinna e jande maaɗa

Sharing is caring!

Hey janngoowo !!!
1) Tinna e jande maaɗa, fati accu huunde fu hoomte e jande.

2) Paama kona tefee nder duuniya fu wo anndal ɓuri teddeengal to Alla e to yimɓe fu.

3) Fati horŋundur filaande anndal e huunde wonnde; sabo anndal jaɓataa nawlireede, nde kawrundurɗaaɗum e golle goɗɗo fu paama a mursanɗum kam ka.

4) Tinna sanne; sabo anndal ronataake, soodataake, heɓirataake sadaka, wo tinnaare tan rimata anndal.

5) Tinna e dursude e dursitaade sabo anndal ngal dursaaka wo saayo nguŋu.

6) Teddin jannginoowo, sabo ittuɗoma e nimre waɗaniima ko heewi.

7) Tinnoɗaa e rewde Alla e gollirde anndal maaɗa; sabo majjere na ɓuri anndal ngal golliraaka.

8) So aɗa yiɗi paamu e yaawde durso fati hebbin nyaamɗe, fati hebbin daarɗe, fati hebbin tuuye annaaru.

9) Ɗaana law jemma, fati jaɓu hiirude faa jennga.

10) Umma law fati jaɓu weetorde, paama annabiijo tedduɗo du’aneke kejjoowo ummotooɗo law.

11) Hebbin du’aaw, woɗɗa nyaamde ko harmi.

12) Nuurtu fati horŋundur dewte, ɗum warayno wiide so a fuɗɗi janngude dewtere jokku faa kantaaɗum sakito naata wonnde.

13) Soodu dewte, heew tiimude, ɗuytu yaadu.

14) LeeƳinkina, teftu jannginoowo, Ƴamu ko a annda.

15) Anndu hakke Alla dow maaɗa, hakke maaɗa dow maaɗa, hakke taakalemme en dow maaɗa, caggal ɗum piloɗa anndal golle keƳoowoma e rookaade goɗɗo kumtal haaju.

Sakiike am janngoowo ɗum wo yoga e tindinooje banngal laabi ɗaɓɓugol anndal yaama nawtoroɗa, so a janngiiɗum waɗanam du’aaw.

Miin sakiragel maaɗa: Dr. Dicko Hamadum.

About kooderadiointernational

The Radio Broadcast all the way from the heart of Nigeria.

View all posts by kooderadiointernational →

Leave a Reply

This site uses Akismet to reduce spam. Learn how your comment data is processed.