Musiɗɓe tedduɓe Fulɓe mbi’i njahaa garaa woodani ko waandu Kono tulde sostataa (Hiila Mali: hiilooɓe hannde ɓee e wi’ɓe ene ngitta hiila-ɓee ko sam-faandu e dem-faandu! fuf ko ɓiɓɓe layeteeri). Kuɗol Mammadu A Bah.
Caggal nde nulaaɓe Feɗde Sedeyao (CEDEAO) mbaɗi balɗe 2 e kaaldi-ngal mbele waawde moccude hakkunde ɓiɓbe Malinaaɓe luurondirɓe e laamu mun en e mba’di dawrugol, ɓe kollii wi’de luure e tiiɗallaaji gonɗi e Mali hannde ɗii ko dawrugol fawaade e no suudu ñaawooje dowrowru nduu ñaawtorii suɓngo sarɗiyaŋkooɓe ɓennungo ngoo e no ɓenniri nii addi ɗee ɗoo luure, ɓe kollii wi’de yoo laamu Mali yuurnito doosɗe suudu mum ñaawooje dowrowru nduu mbele waawa reftaade e suɓngo sarɗiyaŋkooɓe e nokkuuji ɗo luure ɗee mawni ɗoo ko yaawi e ko yaajcii.
Nulaaɓe CEDEAO Ɓee kollii wi’de maa CEDEAO taf goomu huufdoowu e laamu Mali gollal suɓngo ngoo e nder nokkuuji ɗi luure ɗee mawni ɗoo mbele suɓngo waɗta e ko laaɓti, koŋgol cakkitol ngol Nulaaɓe CEDEAO tefannooɓe jam e nanondiral hakkunde ɓiɓbe Malinaaɓe ko kaali. hannde 20 Korse hit 2020. Kuɗol Mammadu A Bah.
