HIRDE ANTHONY MALIKI MO DAILY TRUST E USMAN SHEHU HOOREJO KOODE RADIO INTERNATIONAL

Sharing is caring!

Ko ijjiyam mi maɓɓitii suudu Rajo Koode Radio international (KRI)” Usman Shehu Hoorejo Koode Radio.

(Pirtol Boona Pullo)

 

Usman Shehu huwoowo boymaajo ha Voice of Nigeria (VON) e Bauchi Radio Cooperation (BRC) e mawɗo editor en jonta ha Duetsche Welle (DW), Germany.

Hanko on tiggi Koode Radio international e jaagordo aranndeejo maaga.

A.M; ɗume ijjima a tiggi suudu Rajo (koode Radio international) be ɗemgal Fulfulde?

Usman Shehu; toh, woodi kuujeeji ɗuɗɗi, fofodu maɓɓitango koode Radio gam janginki, findinki e weltinki mobgal Fulɓe duuniyaaru gam soynde pampamtotiral ko saggititta kaɓe hakkunde remooɓe e durooɓe ɗo usta, nden min maɓɓita burtiiji ɗi tabbitinta pulaaku e aaadi Fulɓe, en famtinora Fulɓe durooɓe ɓe yapta laabi durngol jamanu heɓa joonde jam yelwita hakkunde maɓɓe gam jahargal yeso ummmatore fu. Wala no limtaaɗi ɗo fu tabbbita sonna to himɓe kawtii koe maɓɓe jangini be, findiniɓe be ɗemgal gootal ngal ɓe nanata be faama. Ɗi wonni aranndeeji fofodu maɓɓitaago Koode Radio. Hiddeeko mi mabbita nga duuɓi saaliɗi mi mettini ɓe no ɗemgal Fulfulde woytaama ha laabi kubaruuji Media Afirka be duniyaaru fu. Mi huuwii no ha suudu Raadio ɗiɗi ha lesdi ndi Voice of Nigeria (VON) e Bauchi Radio Cooperation (BRC) nder maaji fu ɗemgal Fulfulde laati ɗemgal kodawal. Banno kaɓɓe hakkunde remooɓe e durooɓe ha afrika sakantaare e woylaare maabo lesdi Sahel no fotti mi hiisi mi laari ha wonki am mawɗo editor en DW Germany ɓe mi huwanta ɓe ɗon waɗa taskaramji maɓɓe be ɗemɗe cappanɗe tati (30) nden  cuuɗi laabi kubaruuji luttuɗi bana BBC,VOA,RFI yiɗa hutiinirgo be ɗemgal Fulfulde ha taskaramji maɓɓe e  woodi ɗemɗe pamare de yottai ko reeta mobgal Fulɓe lesdi feere nden Fulɓe anndiraama be heditaago Rajo har yotti ko Fulɓe lesdi fere ɗo waata radio ha kare bangal maɓɓe lincitooɓe tabbitinii ɗum amma hiddeeko Koode Radio tiggama Fulɓe relli suudu radio gotel hutiinirowa ɗemgal Fulfulde ha taskaramji maaga fu.

 

A.M; dume on saɗirmaaji a habdata ha jahargal yeso koode Radio man?

Usman Shehu; taskaramji daga fuɗɗoode, nden miɗo ñyalla huuwango DW mi ɓurai marrugo 3h je ɗaanugo nde hiiri fu gam min howtata taskaramji mi yerbi na koode,  ɓaawo hebgo dungairi ha gomnati Germani. Bawo man sai hala frequencies nden hala saɗirmaaji bilitittooji bano en andi Radio ɗo bana ndabbawa doole a ñyamnaga nde weeti fuu  heba nga yeeɗa.  Mi yarri bonne hala nokkure mi tiggata nga mi doggitiri Fulɓe ardiiɓe ha gomnati Nigeria heɓa no ɓe wallira ko be cuuɗi ɗiɗ ha en fuɗɗira taskaramji amma mi heɓai wallinde ko goto maɓɓe. Sai mi faasitai hala tiggugo nga ha Nigeria mi mabbitanga ha online tan nder lewru Afiriilu hitaande 2018.

Mido hawta bilitittooji ha Germany mido yerba be wallinde dente Fulɓe ha whatsapp. Ɓaawo on Sobaajo hokki yam studio maako ha Abuja mi fuɗɗi taskaramji ha shortwave amma ɓaawo yonteere mi eggi gam babal man handanai kuugal Rajo mi hooti ha boys quarters saare sobaajo am fere ɓaawo lebbi jowi mi heɓɓi mi hoosi haya babal ngal min won jonta ɗo.

A.M; dume suuɗi Radio duuniyaaru bano BBC e VOA ɗo wiaa baawo laaruki a ɗo foonda hoore ma be maaji?

Usman Shehu; a andi wakkati mi mabbitanga nder maɓɓe fu wala mo ɗo waɗa taskaramji be ɗemgal Fulfulde amma ɓe hokki kawtal hoore gam nde RFI fuɗɗan taskaramji wakkere be Fulfulde fu mi dabbitaama mi hokki wallinde am ha fuɗɗam man e ha VOA bo mi huwiino ɓoyma ha ton nden ɓurna huwooɓe ton fu warti soobiraaɓe e BBC bo mi yewtino be hoore en maaga nde ɓe yillino Bonn ha Germany gam fuɗɗago taskaramji maɓɓe be ɗemgal igbo be yoruba min waddin ɓe hala ɗemngel Fulfulde.

A.M; taskaramji diyeeji on taskinta ha koode Radio?

 

Usman Shehu; min woodi taskaramji ɗuuɗɗi bano SUUDU REWƁE taskaram wa on gam findinki rewɓe ɓamtuki darraja maɓɓe ha saare, nokkure kuugal e nder ummatoore.Woodi MAWƁE JAANGO taskaram wa on ɗow tiggago ɓiɓɓe jamanu ngam ɓe laato ardiiɓe jango.

Min woodi FILU taskaram wa on ɗow ko laara ni filu, sooda sorra, janginowa himɓe filuji jamanu. SOMPO dow yillotiral e joonde jam be ummatoore. Wooɗi DURNGOL E NDEMRI gam findinki durooɓe e remooɓe dew durngol jamanu e demri jamu e joonde jam hakkunde mabbe. BANGEEJE ko laara ni nukkuje Amin  E FINA TAWA taskaram wa dow aadi e asngol Amin.

A.M; haatoy marɗa lisse malla wakiilien?

Usman Shehu; mi woodi ha Garoua, Cameroon ha min hawtata taskaramji nyaande Allal be Ngaoundere e Bamenda fu nder Cameroon sai Dakar ha Lesdi Senegal e Maradi ha Niger Republic sai Conakry ha Guinea e Libreville sai Maiduguri, Jalingo, Kebbi, Sokoto, Bauchi, Yola, Kano e Kaduna ha Nigeria.

A.M; dume on a Elinta yesso ha Koode ?

Usman Shehu; jabrungal aranal kam dawriidal be remooɓe e durooɓe min yiɗi min hutiniira bawɗe Amin min yewta be maɓɓe be fu min faami billaji maɓɓe e laawol ñyawdugo di, min tawa ardiiɓe diina ji en jooɗa, marɓe balmi nder maɓɓe wallina balmi maɓɓe  gam jonde jam warta hakkunde maɓɓe. Bawo man Koode woodi kuje ɗiɗi ha bernɗe arannde seɗugo Fulfulde yemba wurtina ɓurnde nder ɗemɗe man wurtina woore lamɗe hooyinɗe nde duniyaaru fu kuutinirte ngam pampamtotiral e tigaago suudu dental jangde gam  online gam be laabi kubaruuji, koode laatoto dental jangde Fulfulde afrika e duuniyaaru fu min kawtan koe be jangirde mawɗe Universities  e cuuɗi laabi kubaruuji afrika dow ɗemgal Fulfulde gam min heɓi dungairi omtugo  (Koode Media Academy). Nokkure fitugo hokkoɓe kubaruuji (Jornalist) ha Nigeria e Afrika be kawtal juuɗe Nasara en.

A.M; woodi ɓe on hawti koe hedi wakkere fitugo huwanooɓe ma na?

Usman Shehu; jooni min woodi kawtal koe be cuuɗi Rajo sappo e jowi (15) ha Afrika e Koode Radio cuuftaama nga laati nder mobgal HFCC (Hight Frequency Cooperation Confrance) ha mobtirde maɓɓe nde 2018 ha Tunisia. Ɗo maɓɓitii ni Amin laawol huuwaago be Shortwave Radio duniyaar bana VOA ɗo taska waɗugo Shortwave Monitor ha suudu Rajo Amin e DW arti tiggi Shortwave Monitor nde Yebre technical ha koode Amin e mido yella mobre HFCC woronnde ha Buenos Aires, lesdi Argentina 2019 hokkam Amin bawɗe howtugo ɓe Shortwave goɗɗi ɗi duniyaaru ngam jahargal yeso Koode Radio international.

Leave a Reply

This site uses Akismet to reduce spam. Learn how your comment data is processed.