HUKUUMA NDLEA TEETE KARE WIIKERE ƊUUƊƊE

Bindol Surajo Teete
Hukuuma Faddaaki e Haɗuki Naftirki Kare Wiikere ka NDLEA lisal Kano, teetii kare wiikere keewtuɗe kiloogiram ujuneeje joweenayi e cappanɗe joweeɗiɗi e jowi (9,075), nder nduuɓu saaliingu ngu 2020. Bana no hooreejo hukuuma kan e ɗo’o Kano, Dr. Ibrahim Abdul anndini keenya Njeslaare, ko o haaldata e jaayndiyankooɓe.
Dr. Abdul on, wi’ii, yimɓe ko hewtani ujuneere e cappanɗe tato e njowo (1,035) woni ko hukuuma kan nanngi. Nder maɓɓe cappanɗe njoweetato e njoweeɗiɗo (87) hiitaama. O limtii ko ɓe nanngiraa-ɗum, kawtuɗum e kooken, haako nyiɓɓo, e luttuɗum.
Haa regare haala maako kan kadi, o tabitinii ka foonduki tefooɓe laamu hukuumaaji pamari, ngam wurtinki wiikotooɓe nder maɓɓe. Siyaasaaɓe ɓen ni foondaama, ngam heɓa laaɓɓinki ardungal maɓɓe, ngam taa laato wiikotooɓe e njarooɓe woni laamotooɓe hukuumaaji pamari ɗin.