Minyirawo yel am Yimre Boona Pullo

Sharing is caring!

Ayyeh Minyirawo yel am mi yidi mi andine ka
Hamma mada nebi nder duniya semi hisini ma ka
Jogutu ko wa’azoyima ta’a fijira be ma ka
Yella no a daya ayibe e a hutunira be ko mbima

Ayyeh minyirawo yel am andu Allah goto Hanko on
Hanko tagi ko dume nden O mari bawde dew mum on
Tata wadunumo tana nden rewumo fere mako on
Wasmutu daguturumo to a wofi heba O yafe

Ayyeh minyirawo yel am andu Allah wodi hakke dew ma
Aran a bosa julde tata ni ayeba julde ma
Julu kala julde fu bana kaire woni ragare julde ma
Bawo man ta’a semta bamtugo jude ayecca hadje ma

Ayyeh minyirawo yel am a do vodi buri no a numi
A marrai hadje goddo yecca ma ka toni a fami
Ngamai darjudunu shahu ngu Allah hokki ma anani
Tata surutu ko sudi andu surungal wonni neddaku ma

Hijabi je a wadi do buri shembe limse mere
Don tabbitin jam’are a buri shembe be lare
Huwu ko woni yesso ma tata falu be jam’are
Mido yelinama sa’re burnande ne’ma a tabbita nder mare Asiyah

Dadirawo meden handi yide be endamji fu
Hanko on hoshi men nder redu lebbi jenai fu
O jogi men be endam iga nden har warugo hande fu
Aljannah meden woni lesi teppere mako dowtan mo

Mi warai to hiri men hira mi yecce tarihi
Kissaji annabi Suleiman mo nyaki wolwani
Tarihi burnado takle seto a mandi di
Seto ni gondi do simta hedi ragare maji fu

Mi yidi men lata sobirabe burdube takkugo
Mi yidi alata derdam mo mi buri endugo
Mi yidi men lata ngorgirabe burdube fijugo
Mi yidi men yaha jahangal men lara duniyaru

Mi yidi mi famtine kel kelli duniyaru ndu
Wala ha yarete ngam himbe fere talkidi nder maru ndu
Shede tan be mari wai be do numa be mari ndu
Mi holle te henaki be jawma a seyan har abada alkawal am ni

Ngam toni ardube lesdi diskube be lambe
Be andino barka islam bedonno hona men ngambe
Wallahi bana no mbima amma be lati mippube
Be do hoshitiri bana kel kelli duniyaru woni beldum maru

Mi yidi mi famtine bondiji duniyaru ndu
E kowadi men bornata bana shedanu en nder maru ndu
Se mi sodine mura fufa a don mura a fufu
Se mi ekkitine henare be kala ko marda fu

Kude be boneji fu no di valla ma a mawnira on
Kala ko tawi ma fu hoshitiri dum jarabawa jawma on
Mi janginte Quran mi ekkitinte Quran
Heba a dursa a hutinira a jayinita be mare nder duniya be lahira

Mi holle te ganyadi e gidadi jawmirawo
Men yapta Muhammad burnado takle kohowo
Salallahu alaihi wa sallam nulado
Jawmirawo tabbitin en dew sunnaji burnado takle fu

Yella yande fere a heba yide be gonga amma
Nana be komoyi se jogitido dina islama
To a yidi gorko ba Muhammad se a lata debbbo be khadija
Hanko arti nudinki nden o lati dada nudinbe

Maru taskitare bana Nusaiba ta a sala gonga ma
Daru dew gonga mada ko duniyaru fu wondai be ma
Tefu andal bana Aisha a lata mallumjo dina men islama
Heba a nyawndoya majjibe ngam majjere lati nyawo on

Endule bana Hafsah nde a nuddina jawmo ma
Sumu be nange nafu jemma ngam a walla nafsu ma
Maru daraja ba Bilkis heba duniyaru teddina ma
Wakkati be lari ma fu bana debbo lamdo be teddin te

Maru ngorgaku Sumaiyyah Asiyah yel am
Maru nagtare ba Mariyam minyirawo yel am
Maru tawkkali ba na Dadirawo annabi Musa am
Nden toni hunde satanima latu bana debbo firauna

Ayyeh Asiyah yel am jonta jonde duniyaru warti
Gonga warti dum kaddum fewre do yayina bana kangeri
Ndu lati Aljannah sorribe ngaindam mun
Eh ndu lati Sarre bone dew nuddinibe Allah mun

Ayyeh baby yel am alkawal mi hoshini ma
To ni Hamma ma do yeh’dhi mi habdi nai ma
Mi habdai fodde bawde am no mi senoya ma
Ko ndai yewende nangi ma andu adon wondi be jawma

Kala sai mi juli jangi fu mi woyitata ma nder doua am
To mi bamti jude am ni hala ma be saro men e derdirabe men
Useni wadunu men doua min be saro e derdirabe men
Yella jawma yafa bofi e O yayina kabariji men
_____________________________
Mi do hoshine alkawal to Allah munyi men jokkitan fijirde men nder Aljannah bana Hamma be minyirawo yel mum.

Leave a Reply

This site uses Akismet to reduce spam. Learn how your comment data is processed.