Sharing is caring!

Bindol: Surajo Teete
Ñalannde hertaande ngam Fulfulde e finaatawaa Fulɓe, ko anndiraa International Fulɓe Cultural Festival Day, waɗaama nder asaweere nde’e. Mooɓgal nyalannde nden ni, waɗaama ton e Basse nder leydi Gambia, heesikeenya Hoore-Biir malla Asawe, 26ɓre lewru ndu’u ndu Bowte.
Mooɓgal ngal ni e waɗee kala hitaande fuu, to go’o nder galluuje ɗe Fulɓe tawetee ɗuuɗɓe suɓetee, ngam moɓtorde nden. Non waɗi nde hikka waɗaa e Basse. Hooreha kawral ngal ni hikka, woni, “Ndaroɗen Ndannden Pulaaku”. To Mooɓgal ngal heɓi yalɗirki leƴƴi Fulɓe gila lesɗe ɗuuɗɗe.
Non boo yimɓe ɓe keɓaay baawɗe yahki moɓtorde nden, kamɓe maa ɓe ngaɗii fotde baawɗe maa, ngam teddinki nyalannde nden. To ɗuuɗɓe waɗi ka winnduki dow jaaynjaayɗe maɓɓe dow ko laarani balɗi, finaa-tawaa, annditinamji, e piiji ɗuuɗi ɗi Pullo roni ngila kaakiraaɓe muum.