Kawtal Reenuki hakke tewbe andiraagal ” Centre For Women And Adolescent Empowerment” wii nde heɓi ceede ɗee huɓɓirde nden fuɗɗata kuuɗe/golle maare nder diiwe Adamawa ena Gombe.
Kuuɗe ɗen lartan alƙawalji ɗii ɓiɓɓe shiyasa’en ƴeftani ummatoje, nden kuuɗe ɗen dogginte les ardungal huɓɓirde “Centre For Women And Adolescent Empowerment”, ena kuɓɓirle goɗɗe.
Ɗereewol andinore nden, ngol ardiiɗo Kauwtal kuɓɓirle ɗen Tijjani Ubandoma, ena Diiractojo Kawtal Kuɓɓirle ɗen Hajja Asma’u Joɗa mbaatani ɗum juuɗe, ngol wurti tippungel ɓawo/Caggal moftoorde nde ɓee mbaɗatta lewru-lewru.
Ɗerewol ngol andiini dow, Kawtal Kuɓɓirle ɗen heeɓi fiindiitini ummatoje, dow hakke maɓɓe ón ɓee cuuɓa neɗɗo aadilijo, moo wakiltaɓe, wakila nokkuje maɓɓe.
Ɗerewol man ɓesdii andiinki dow huunde ɗiiɗaɓre nde ɓee mbaati yeeso hanjum, ɓee ceembiɗinan, nden ɓee tiggan Kawtal Kuɓɓirle ɗen nder pamari hukuumaji nder diiwe Adamawa ena Gombe, ngam finditinki ɓiɓe lesdi ɓee naasto jaahale shiyaasa ngam ustuki wonnere.
Booliɗe nder ɗerewol ngol andiini, ɗum ɗon sembiɗina ummatore taƴa ɗeereji cuuɓii. Marɓe ɓillaji eko nandi é majjuki é woonnuki ɗeereji, malla firlutukki nokkuure joonde ɓee kuutiniran jarfuuyel ngel ɓee mboo’itina.
Bindol: Hassanu Gidado Suɗi(KRI)
