Sharing is caring!

Hooreejo-no hukuuma cuɓi Naajeeriya, Puroofeesa Attahiru Jega, felii laamu hooreejo lesdi Naajeeriya Muhammadu Buhari, dow no o dogginirta laamu maako ngun. Nde laati, naa ko yimɓe tammanii laamu maako ngun, ngi’ata jooni. Kadi hooreejo lesdi ndin, woppii piiji ɗuuɗɗi, kaanduɗi hakkilaneeki. Bana no hooreejo-no hukuuma cuɓi Naajeeriya kan, wi’i.
Jega ni, kanko tambini Muhammadu Buhari ɗerewol seedaramku laamu maako, ɓaawo o suɓaama nder nduuɓu 2015. To yimɓe mani no cuɓol ngol waɗiraa, boo ɓe mani kanko Jega on, dow no o waɗiri cuɓi ɗin, ndokkuɗi kanko Muhammadu Buhari on, baawɗe ardaaki lesdi ndi’i.
Puroofeesaajo on ni, hollii mettamɓeram maako dow no laamu Muhammadu Buhari dogginirtee. To o wi’i danjay laamu ngun, ngu waɗaayi huunde moƴƴunde, sabu haani ngu waɗa ko ɓurdi ko ngu waɗi. Nden o ɗawtiri wiiki, laamu ngun, ngu semtinii Naajeeriyankooɓe ɗuuɗɓe, ammaa faa jooni o weetoraayi.

Bindol: Surajo Teete