bAlhaji Ado Abdullahi Bayero Danyaama har lewru jegooru anmdiraadu e yuuli ndu hitaade ujuneere e temedde jenayi bee cappan e tati(06/1930) innde saro maako Alhaji Abdullahi Bayero lamido kano haa duubi nogas e jeedidi(27). Bawo nde no jange Alkuraana har saare mabbe sey mo nasti jangerde boko mo puddiri primary nde faddude lamdo ngal yolde fombina har hitaande ujuneere e tamedde jeenayi be cappan e tati e jeedidi(1937) nden set mo yehi jangirde middle school jonta gayre woni rumfa college e ga don sey mo jangi har jangirde wolde Ara abre wato SAS mo timmini har hitaade ujuneere e temedde jeenayi be cappan e nayi e jeedidi (1947).
ar hitaade ujuneere e temedde jeenayi be cappan e nayi e jeedidi (1947) mo fuddi huwgo be sigordu ceede ndu lesde Africa anndiraadum be first bank e hannde. Nden mo lorti huwdugo e hukumaawa native authority har hitaade ujuneere e temedde jeenayi be cappan e nayi e jeenayi (1949) e daw daraja ka bindoowo wato sakatareejo. E hitaade ujuneere e temedde jeenayi be cappan e joyi e didi(1952) mo besdoy anndal har jangirde ko larani ardugal laamu wonder Kongo wuro Zaria. Bawo nde mo wartime kano sey mo latti bindoowo mawdo har fellere native authority. Be cubic Alhaji Ado Bayero e madalisaaru kitaaku daw darde wakiliijo kano haa Kaduna e hitaade ujuneere e temedde jeenayi be cappan e joyi be jeedidi (1957) mo jogiidum ha yaago duubi tati. Nden lamdo kano muhammadu sunusi hokkiimo daraja ka wakiliijo hitordu. Har wakkatere nden dum daraja ka mawdo rento he dewal gal. E hitaade ujuneere e temedde jeenayi be cappan e joyi e didi(1952) e nden ni haafahin,komnati najeriya less ardugal prime ministaajo Abubakar Tafawa Balewa hokkiimo cimaajo najeriya har lesdi Senegal.
Yalde jumaare sappo e go’o lewru oktobaaru hitaade ujuneere e temedde jeenayi be cappan e jeego e tati(11/10/1963)Alhaji Ado Bayero meeta metalawol laamu kano bawo mayneeki lamido muhammadu inuwa bii lamido Abbas. Ado Bayero lamake kano e mo mari duubi cappan e tati be tati(33)nden mo wadi duubi cappan e joyi e gootel(51) daw korowal laamu. Alhaji Ado Bayero kanko woni lamdo burdo nebgo daw laamu har under lambe fulbe haa kano nder fuddube lamaago bawo jihaadu dum hitaade ujuneere e temedde jeenayi be jeedidi (1807) lamido kano Alhaji Ado Bayero soyti e mo mari duubi cappan e jeetati be nayi(84) e duniyaaru, mo dali rewbe nayo bee bikkon ko burta cappan e jeego(60) taniraabe ko burta temedde tati(300).
No dum hokkiri Ado Bayero laamu kano. Mo darajaaku ban kano Alhaji muktar Adnan waggini no dum wadiri subo kinnaado Alhaji Ado Bayero e daw daraja ka lamido kano,Ndaa bayanu maako mbana nii. Min getti Allah jontindo balde amin. Mi huppititte nyamol ma ngol, ko na banani a hebta kuppitan dooma nyamol ma ngol.
Lamdo Kano Muhammadu inuwa Allah mayniimo sey komnati diwal Kaduna ummri be min cubta lamdo keso minon nayo(4) be madakin kano Alhaji shehu Ahmed be makaman kano,Alhaji Bello barwa be sarki dawaki mai tuta Alhaji bello dandago sey min sarkin Ban kano,Alhaji muktari. Dum nyawnimin har saare razdan jonta hayre woni saare komnati nde jonta sey dum hokki min kaidaaji di min tokkata ngam subgo lamdo kano. Dum wadi nondum nyalimaare wore be soytugo lamido kano on. Alhaji Ado Bayero maynaama nyalde jumaare joyi lewru okosta hitaade ujune didi e sappo e nayo (05/08/2014)sitira maako wadaama har kano yimbe dubbe jaldiri mi daran har do sey nde go fahin.
KRI: U.Y. Musa
