TARIHA MURTALA RUFAI RAMAT MUHAMMAD

Sharing is caring!

Ardiiɗo lesdi Naajeriya haa laamu ngu sooja ega hitaande ujuneere bee temerre jeenayi e cappan e joweeɗiɗi e jowi (1975).
Murtala Muhammad daŋƴaama ŋyalade 8 lewru nuwmbaaru hitaande ujuneere bee temerre joweenayi e cappanɗe tati e jowetati (1938) haa Kurama je diwol Kano. O gooto nder ɓiɓɓe sappo e go’o (11) ɓe Muhammad Riskuwa be Uwaani Ramat dañƴi ha fattude Kurama kotas diwol Kano, leydi Naajeriya.
Haa hitaande (1957) O heɓi ɗerewol maako je sakandare, nden O nasti janngirde sojaen ha Royal Military Accadamy Sandhurs Barewa College. O banngi debbo bieteeɗo Ajoke Muhammad ha hitaande (1963) nden O jogake darajaaji fere-fere bana Ministaaku matotiral haa nder laamu Yakubu Gawan, O hebi laamu Najeriya ɓawo kippal laamu Yakubu Gawan, nde O dilli mobtirde Kawtal lesɗe Africa je (OAU)haa Kampala lesdi Uganda.
Murtala Muhammad acci tariha ɗuɗɗi bana sawari eggingo laamorɗe lesɗi Najeriya iga Lagos yaago Abuja, kanko fuɗɗi haalingo ɗum nden O waɗi kawtal maajum les ardugal justice Akinda Aguda sey be cuɓi Abuja dow diiwe luttuɗe. Ha fahin, kanko ɓesdii diiwe joweeɗiɗi haa Najeriya, nder lewru ɗiɗaɓru hitaade ujuneere e temerre joweenayi e cappanɗe joweeɗiɗi e joweego (1976) diiwe ji bana; Bauchi,Benue,Borno,Imo,Niger,Ogun, bee Ondo. kanjum laatani deewe Najeriya sappo e joweenayi,(19). Ɓawo konu biyafara O usti limngal Sojaen e ga(250000) O wartiriiɗum (150000). Murtala Muhammad waɗi balɗe temerre ɗiɗi tan dow laamu Najeeriya. O warama ŋyalade Jumɓaare sappo e tati lewru ɗiɗabru hitaande ujuneere e temerre joweenayi e cappanɗe joweeɗiɗi e joweego (13/02/1976) e O ɗo yaha kuugal dow laawol Geoge be jamɗi Joweetati fajiri haa nder jusɓol Motaaji o ɗo nder motawa maako Mereedes Benz less sakateriyaawa mobgal lesdi e pattude Ikoyi Lagos.
Dimka e sojaen woɓɓe kippi laamu maako nden barimo kanko e denadoowo wato(ADC) Leftenat Akintunde Akinse.
Murtala Muhammad waraama e mo marri duuɓi cappanɗe tati e joweeɗiɗi(37) mo acci ɓikkon taton Abba Riskuwa Muhammad, Aisha Mohammad, bee Oyebode.
wassalam mi tonkiidum har wikipedia

About kooderadiointernational

The Radio Broadcast all the way from the heart of Nigeria.

View all posts by kooderadiointernational →

Leave a Reply

This site uses Akismet to reduce spam. Learn how your comment data is processed.