*Tinndol belngol nani, tee ma ngol wel on, ngol battina e mon no feewi sanne*
Wonnoo ɗoo ko gorko galo no feewi, o alaa debbo, kadi o ɓesnaani. O bismii liggotooɓe makko, yoo ngar mo hiirde, kirtanoo mo. O fawi e yeeso gooto e maɓɓe fof deftere Qur’aana e kaalis keewɗo.
Caggal teddungal ngal, o wiyi gooto e maɓɓe fof yoo suɓo hakkunde Qur’aana oo e kaalis oo pawaaɗo e yeeso gooto e maɓɓe fof oo.
O adorii deenoowo oo, o wiyi ɗum yoo suɓo hakkunde Qur’aana oo e kaalis oo.
*Deenoowo oo jaabii ko aldaa e jasjasinde wiyi miɗo yiɗi Ƴettude Qur’aana oo kono mi waawaa janngude, ndeen noon wadde, mi Ƴettat kaalis oo, miɗo joortii ko ɗuum ɓurata heewde e am nafoore.*
O wiyi toppittooɗo sardiŋŋe oo yoo suɓo.
*Oon ne wiyi debbo am ko leliiɗo, paawaaɗo, muusaaɗo no feewi sanne. O jaabii, o wiyi : Jom suudu am ko dafaaɗo, sinno fof wonaano rafi cellal makko ngal, ko Deftere Alla ndee cuɓotonoo-mi.*
O naamndii defanoowo mo oo, oon jaabii, wiyi :
*” Miɗo yiɗi haala Alla, kono golle am ɗee no mbayi nii, mi waawataa waɗtorde heen jaŋde Qur’aana, ndeen noon wadde ko kaalis oo cubotoo-mi.*
Suka gorko toppittooɗo nehngo jawɗi oo ari sakket.
Sabu yenaneede ligginoowo mo oo baasal makko no foti mawnude, gorko galo oo wiyi mo : Miɗo joortii aan cuɓoto-ɗaa ko kaalis oo, coodaa ko ňaam-ɗaa, coodaa paɗe, ɓoorno-ɗaa, mbeddo-ɗaa paɗe maa limce ɗee.
*Suka oo miijtii, wiyi : ko goonga, miɗo faaɗaa, miɗo tampi. Ko goonga miɗo holi paɗe, miɗo foti daňde kese; miɗo yiɗi kadi soodde gertogal, mi defa, mi ňaamda e neene am, kono, ɗuum fof e wayde noon, cuɓii-mi ko Deftere Alla ndee* sabu neene am wiyii kam :
*Konngol gummingol e Alla, ɓuri faayiida e kaŋŋe. Belgol mum wappitii belgol njuumri.*
O Ƴetti Deftere Alla ndee, o tawi e nder mayre amwoloŋaaji ɗiɗi, ɗi ngudditaaka.
Gadano oo, kaalis gonɗo e mum oo **ina sowoo laabi sappo pawaaɗo e dow taabal oo**
Amwoloŋ ɗiɗmo oo habri mo ko *kaŋko woni dono galo oo.*
*Galo oo wiyi ɓe :
E kala sahaa, koolo-ɗee Allal, hoto piɓto-ɗee muk moƳƳere Makko !
Waaru Alla, ndaňaa baraaji, so a gaynii tarde winndannde ndee *neldu nde denndaangal dente maa, e sehilaaɓe maa, ndakmitoo e faayiida mayre.
Iwdi : Forum de la CNOAS
Hooreejo : Pr. Mammadu KONTE
Firo e sawtowol : Aamadu Tijjaani KAN, winndiyanke, wiɗtiyanke.
Tinndol belngol nani,
