Yimre Suraje Tete ”A Pullo Na?”

Sharing is caring!

Min mi Pullo, semteende laaɓde semtay-mi.
Min mi Pullo, ngayna mawka ngaynay-mi.
Min mi Pullo, anndal ngeetal annday-mi.
Min mi Pullo, ndemri keewdi ndemay-mi.
Min mi Pullo, filu luuɓe pilay-mi.
Min mi Pullo, cuusal keewgal cuusanay-mi.
Min mi Pullo, kaajal laaɓgal kaajanay-mi.

Mi wujjataa, ngam mi pullo.
Mi njeenataa, ngam mi Pullo.
Mi hersataa, ngam mi Pullo.
Mi toonyataa, ngam mi Pullo.
Mi naafigintaa, ngam mi Pullo.
Mi jamfataa, ngam mi Pullo.

Afel am mi sooma Dikko.
Banndu Pullo am gorko, mi sooma Bappa
Banndu Pullo am debbo, mi sooma Yaagol.
Banndu neenam rewɓe no woodi Penndo.
Banndu neenam gorko mi sooma Kaawu.
Yero e Sammbo tawee ɓaawo Dikko.
Ko mar-mi fuu, ɗum mari innde.

Fewre mi anndiraaka.
Geddi mi anndiraaka.
Suuno mi anndiraaka.
Kulol mi anndiraaka
Forndaaku mi anndiraaka.
War- hoore mi anndiraaka.
Huɗootirde mi anndiraaka.
Jala meere mi anndiraaka.
Bononnda mi anndiraaka.
Taƴde-enɗam mi anndiraaka.
Gacce mi anndiraaka.

Jaɓa wanyaa naa ɗum Pullo.
Wanya jaɓa woni Pullo.
Wi’a salaa, naa ɗum pullo.
Sala wi’a woni Pullo.
Teete wii en ngona Fulɓe.

Surajo Teete

2 comments

Leave a Reply

This site uses Akismet to reduce spam. Learn how your comment data is processed.