YONKI HONKI
Ali Kwara Azare, gooto nder ndaranii-ɓe laaɓeendam leñol maɓɓe, kaɓuɗo wuyɓe na’i, e fasotooɓe jokkoyke kaakiraaɓe men!.
Gila duuɓi caaliiɗi o’o tagaaɗo, ummanii haɓuki ngujjonooɓe woynaaɓe na’i e marle maɓɓe. To a haɗi wuyɓe ɓen wujjanki yimɓe, e maa tooñuki yimɓe.
Gila ɗin duuɓi haanunoo laamu Naajeeriya ummanoo ɓen Fulɓe ngujjanaaɓe jawle maɓɓe, ammaa ko tulli ɗum, Pullo walaa tiigorde e leydi muum, walaa giɗo e wuro muum, walaa wernoowo e sera muum. Nihi e nder ko waddi-en to en tawaa hannde. Yimɓe men duuɗɓe naati ko tammaaka!.
Ɗuuɗɓe ngujjanaa, sabu e duuɓu 2009, naaki nde Ali Kwara wi’i kala ñaamoowo teewu fuu e lesdi Naajeeriya, e ñaama teewu na’i ngujjaaɗi. Ammaa walaa ko waɗaa.
Hannde kanko maa o walaa, ammaa ka maako ka welii!. Sabu o daranike leñol maako, o huwanii-ngol. O waɗii ko hanunoo ardiiɓe e lamlamɓe ngaɗa. Ammaa ɓe tampi sabu naa kannjum ɓe marani haaje.
Alla hinna Ali Kwara.
Alla wadda darantooɓe leƴƴi men, haa en moosa.
Bindol: Sirajo Teete.
