1. Lenyol sunori yaadu Yaya Tilimdo
2. Suudu Baba sunori yaadu Yaya Jeyaado 3. Lenyol torrani jahaangal Yaya jaungal 4. Suudu Baba mettini Tampere Ballo keido 5. Lenyol Yurmini Tampere gimdo kaastaado 6. Suudu Baba Saklani Fergere Yaya Tabinde 7. Kubar soynde Yaya seeki beernde 8. Soynde Yaya jonji Dental Suudu Baba 9. Kautal Meeden tampinama soynde Yaya 10. Suudu Baba Soyi Gimdo Gooto Giinido 11. Dental meeden soyi maskudo haala 12. Dental meeden tampi kastaado fassirobe 13. Fassirki Yaya nandi e ma’ere mbawaangu 14. Wolde nde haala fuh Yaya firlita e jawal 15. Faransiire e Fulfulde mako fuh keewi Fasahaaji 16. Kuude Yaya wala sawanaare Sakko fafa 17. Tagaabe dental fuh e Kellana Golle Yaya 18. Tokkal Dental fuh e Leelo kuude Yaya 19. Tokkal Dental fuh e ndo’ana Yaya Janna 20. Nyalde fuh Yaya e Suklani Yaadu Dental 21. Mburga ka Yaya acci fanti sanne 22. Mburga Yaya hebbintaake ko Yawi 23. Wakkati o hewti fuh e numo kuude Pulaaku 24. Yaya taskuno yaadu Tabital to Abuja 25. Yaya Anda Yaadu Ragareru Yotti 26. Allah Barkidin Aagal Kuude Yaya 27. Allah Hebbin Hairuuji Nder Yaadu Yaya 28. Allah Yaafo Yaya Musbe Mudum 29. Allah Warjor Yaya e Firdwasi 30. Allah Accin lenyol fuh Barkaaji Yaya.
Abubakar Abba Tahir: KaaKaaKey Fombina 30/05/2022
