Hanne beete, mi ummeke gilla law lootiimi, njaltumi. Mi heɓay fummude ngam tawi mi sakiteke, naatumi mobel tawi ngel heewii mi heɓay jooɗaade, ndariimi faa ngel yottii jaŋngirde am, naatumi nder jaŋngirdu nduun tawumi jaŋnginoowo oon na fiirta no ƴi’e laaɓɗe njey jaŋngireede.
Nder ndaneeri ndi
Kuuwɗe muume tati;
fummude,
jooɗaade.
Jaŋngireede
Doosngal: kuuwgal muumal nder fulfulde na woodi maandeeji tati:
-UDE. Maande kuuwgal muumal ngal gollal mum ɓennungal timmirta { ii } Yeru:
Yahii,/ yahude,
Ñaamii/ ñaamude.
Haarii/ haarude.
– AADE maande kuuwgal muumal ngal gollal mum ɓennungal timmirta {eke}
yeru:
Looteke/ lootaade.
Jooɗeke/ jooɗaade. Ɗaaneke/ ɗaanaade.
-EEDE maande kuuwgal muumal ngal gollal mum ɓennugal timmirta {aama}.
Yeru:
Noddaama/ nodeede.
Yahaade/ yaheede.
Lootaama/looteede.
Kuuwgal muumal
En mbi’iino kuuwgal muumal nder fulfulde maandeeji tati woodi,
UDE, Wonan’de Gollal timmiroowal” ii”
Yeru; ñaamii/ ñaamude.
AADE, Wonan’de Gollal timmiroowal” eke”
Yeru: saleke/ Salaade,
EEDE, Wonan’de Gollal timmiroowal”aama”
Yeru: hokkaama/ hokkeede.
Caltuɗe:
Ude = ugol/ ugo
Ñaamude = ñaamugol/ ñaamugo.
AADE=agol/aago.
Salaade = salagol/salaago.
EEDE=egol/eego
Hokkeede= hokkegol/hokkeego.
