Hooreejo Tabital Pulaagu Winndere
Laamiiɗo Sanuusi ko Pullo Nijeriyanaajo, o jibinaa ko to Kanu: 31/07/1961.
Sanuusi adii janngude ko to janngirde katolik St. Anne, Kaduna e duuɓi 1967-1972 ko toon o heɓi seede mum adano. O waɗi jaŋde makko tolno ɗiɗaɓo to janngirde King’s College, Lagos, o heɓi toon seede ɗiɗaɓo 1977. O jamaa to jaaɓihaaɗtirde Ahmad Bello, Jaariya, toon o heɓi Bakaloriya (Licence) e faggudu 1981. O jokki toon jaŋde makko faggudu haa o watti jannginde gila 1983-1985.
Sanuusi janngoyi to jaaɓihaaɗtirde Afrik Wenndere to Kartuum, Sudaan, toon o heɓi dipolom ganndal Sariya.
Sanuusi heɓi golle laamu to diiwaan Ngonngola (Diiwanuuji Aadamawa jooni) to toon waɗi koninkaagal.
Golle mum
E hitaande 1985 Sanuusi golli e banke Merchant Bankers Limited, to Newyorko, Amerik, e banke Bating Brothers of London, e 1997 o golli e banke unie pour Afrik. Sanuusi jokki gollude e bankeeji haa o wonti diisneteeɗo, o e hitaande 2009 suɓaa wonde gardiiɗo General Group, o woni hooreejo banke Kakawa Discount House.
Sanuusi woni gadiiɗo suɓeede, iwde nano Nijeriya, wona hooreejo gardiiɗo pdg First Bank Nijeriya. E 1/6/2009 e laamu hooreejo Umaru Yar’Aduwa, Sanuusi woni guwerneer Banke Santaral Nijeriya, ndeen ko e caɗeele faggudu mawɗe aduna o wonndoo.
Laamu Sanuusi
E 2014 Sanuusi suɓaa lomtoo laamiiɗo Kanu Ado Baayero, kam woni laamɗo Kanu sappo e nayaɓo, o woni mawɗo Suufi Tijaani. O resi ko ɓiɗɗo kaaw mum Hajja Sadiya, ɓii laamɗo Arɗo Bayero, e Hajja Maryam, o heɓii sukaaɓe njeetato.
Sanuusi hooreejo Tabital P.I
Ko adii fof, laamiiɗo Aadamawa e laamɓe nijeriya, e tp Nijeriya, fof en kooliima Sanuusi. E batu TPW (TPI) ñande 10/09/2022 yeeso nelaaɓe cate tabital pulaagu (tabite pulaahu leyɗe) woni ko Laamiiɗo Sanuusi suɓaa wonde hooreejo TABITAL PULAAGU WINNDERE,
Abdu Bah
Hoorejo TPI Keso
