Laamaago laamu ngu doole
Sheehuujo Usmaanu ɓii Fooduye
O wi’i mi hunirake innde Jawmiraawo mo dewreteeɗo e goonga fuu walaa sey Kanyum min Usumaanu mi laataaki mi laamiɗo laamu ngu doole naa bo’mi laaminaaɗo laamu ngu doole mi laataaki bo’ nder ɓiɓɓe laamiiɓe laamu doole Amma min mi ɗon nder hoohoɓɓe ɓe Jawmiraawo jaabi do’a muuɗum Nii tammotoo-mi bana no o jaabi do’a maama meeɗen mo diina Annabiijo Ibraamiima mo jam tabitii dow muuɗum tinndinaaɗo e beldiɗɗaawo Jawmiraawo Haa fahim Kanyum won bolwanaaɗo haa Konngol Jawmiraawo Ɓaŋiiɗo wii ngol
Waɗan min Ardiiɗo nder hulooɓe Jawmiraawo
Ko faametee e wi’uki Maako Min ngaɗanii hulooɓe Jawmiraawo dow jam’u nofoowu leñol maako kanko Annabiijo Ibraamiima beldiɗɗaawo Jawmiraawo nden ma-en ɗon nder leñol ngo’ol ngam o maama meeɗen mo diina Kannjum waɗi mbii-noo-mi on mi laataaki mi laamiɗo mo doole naa bo mi laaminaaɗo dow doole Amma e mi Yecca-on min mi neɗɗo ɗowiiɗo yimɓe muuɗum fa’uki e Jawmiraawo ngam ɗaɓɓuki yaafuye e hinnaye Maako e ɗaɓɓutuki yeeduye Maako Ko mbii-mi ɗo’o, kannjum woni tokkuki ɗate baaburaaɓe am yaaktuki ɗate maamiraaɓe ɓe’en caaliiɓe ngam bo Jawmiraawo laatinii ɓe yimɓe foondaaɓe e kannda e jannginki diina Jawmiraawo e honuki dow ɗatal Jawmiraawo ngam ɓamtuki diina e feesinki ká haa kootoy fuu e hewtinki ka kala hewtaay no fuu ngam jaabaaki noddaandu Annabiijo Maako mo Hinnaaye e jam tabitii dow muuɗum nde o wi’uno
Njottinee to am fa koo aayaare woore
Haande ɗo’o min mbaalata to on weltorii e WASUUYE ɗe’e gaɗaneemin Lik e Share nden jowon miijooji mon dow Comment
Nden e min tefa kaajanioɓe Pulaaku koccayɓe teddeende waddanki’on WASUUYE ɗe’e kala aseweere fuu e hawtuki e firo nder ɗemnal Hawsankoore ngam wallutuki diina men islaama Asli Fulɓe e Fulfulde e Pulaaku ngam yi’uki e woodi te fooɓe jumɓuki fitinaaji hakkunde juldaaku hakkunde Fulɓe e Hawsanko’en waɗuuɓe mbinndi bonɗi dow Sheehuujo Usmaanu ɓii Foduye Allah hinnamo
Ɗaɓbeemin dow Email Kri@koode.net
