Giɗo heɗo pullar wii e kuɗol Mamudu Umara Ba gorko mo bokke jeges
pullar wii so gulali lawi paho al ko nanowo fadi
pullar wii Yettade to sikkano woto tag neɗɗo yejjitde ko wonno
pullar wii So fedannde fenndam tawata ko won ɗawaɗo
pullar wii Afa kiite ko mayde
pullar wii humani laana wot ňayde pale
pullar wii So jombajo waɗɗinaka fotani rimndede jappeje
Pullar wii So mawɗo hersani bolol bolol hersina mawɗo
Pullar wii So gujjo resi penowo mataw ɓe tintondirani
pullar wii Gawri mbisirandi kaŋŋe seɗira kalis ceŋle mum mbedde take
pulla wii So Ƴiwonde haaɗi e digali ko puuyɗo wiyata ina Ƴogoya wendu
Pullar wii so bone muti e mayo fotani awede
Pullar wii gilli ngona gawri kono ina kebbina reedu
Pullar wii debbo coofɗo ɓuri sudu meeru
Pullar wii ɗo fabru tati heli yo ngeloba taro
Pullar wii ɗaɓɓude jeyde ɓuri anndude jogiɗo
Pullar wii so ɓi boy huli ladde wonko artani baaba mum
Pullar wii so hege haɗi mawɗo joɗade oppata ɗum amde
Pullar wii giyal seɓata ko gila ina woni keccal
Pullar wii ɓakkere mahte gila ina hecciɗi
Pullar wii mo felliti made ɓakkere moddat
Pullar wii tulde mawnekinare jimtata koy caŋngol halkare
Pullar wii so cumu tacci mayo ko ƳiƳam sagataɓe ňippata ɗum
Pullar wii so neɗɗo wallani wallaka wallandiraka so bone ɓaƳi ɗum yo tekku rondo
Pullar wii ko mofta fof ina nafa ha heddi tikkere e jamfa
Pullar wii abbere heňinde wontata ko wakkere
Pullar wii so fabru ina wawi ndiyam hoto hollu liŋngu
Pullar wii so basal natari damal gilli njaltira fallantere
Pullar wii mo yawi dabari dabbidani hen
Pullar wii so ɗemngal ňallinani wallinani ma haalkono wiiye ittu
Pullar wii so nagge bismima mbarodi yataw ina jogi ko totti ɗum sowona ɗum ko kaňum wontata hirande
Pullar wii ko neɗɗo suusi alla ceeɗu fof ma hulɗum nduŋngu sabu digali makko
Pullar wii hoddiɓe arondiroɓe ɓuri hoddiɓe warondiroɓe
Pullar wii ko yitere reeni ɓanndu kono yiyata ko lojata ɗum ko
Pullar wii dokkuɗom ɓiɗɗo aňani jiidon
Pullar wii kalko ňawi ina sella ha heddi ɓernde
Pullar wii ňaw bonnat inande mum tan kono nayew ina yona
Pullar wii goɗiɗo piɓle woto rondo gaccugol
Pullar wii so bata bata waranama ngari mawɓe ngara ndomo
Pullar wii ko suka waɗata ko fiye so mawɗo waɗi wiye ko hoddiro
Pullar wii so hunduko hali ko tawaka ko nofru nanniɗum
Pullar wii hakkille wona barme kono ina ɓenndina miijo
Pullar wii ɓutaɗo ɓosetake e teppere
Pullar wii dewgal e dow reedu ɓiɗɗo ina wawi daňede ɗon kono ko ina haale ma daňe
Pullar wii so ňamlir nooɗo ko moƳƳi yoɓama weltima wona on tow nooɗo saŋngalde taccini ɗum maayo
Pullar wii so fowru nanti ina mala bey yo haaɗ e tommbadeɗi e caɗngol kono wona wiide ina asa ngaska mum damal galle
Pullar wii doomru ko heyɗi fof fotani teŋkoyde ullundu
Pullar wii unowo saňo ina wawi ɗaminade conndi kono woto ɗamino ceŋle
Pullar wii mo hokki yawi nimsani mo hokki nimsi ɓeydata mo ɗaminaki hokka yawata
Pullar wii mo hirtaki hirtinani yo kiram mum woɗto haaɗi
Pullar wii mo ɓuɓri lekki woni njatiga mum ko ɓafali mbarata ɗum
Pullar wii cemedo piyowo sagataɓe hirande mum waalat hirtaka
Pullar wii so afa ronani fotani waɗtede e ndonu
Pullar wii ko gorko hiriko fof wawa haɗde ɓowngu wullude e nofru debbo mum
Pullar wii awii muudo soňi muudo hayso tikkanani alla weltaki
Pullar wii ko lekki toowi ko fof toɓo iwrata ɗum ko dow
Pullar wii ndondiɗo ceŋlal tek teki ňalawma wawa haɗde bubi rewde e mum
Pullar wii mo awii dulendu soňa henndu
Pullar wii so gumɗo waɗdama gooɓe jiire e ňedude yataw ko giɗo makko o wondi
Pullar wii ɗo wumɓe kirtaki maayɓe cakkantake ɗoon
Pullar wii so afa galle ammba ma yo koɗo Ƴewno yawtiri.