Sharing is caring!

Jimoowo e jaaynoowo yo ňemmbu kono waasa wiyde ina cellitoo e ňemtin’de daande goɗɗo.
Teskuya am e yimooɓe fulɓe, ko ɓuri heewde e maɓɓe ko ňemtinooɓe , ɓe ngonaa ňemmbooɓe.
Kala eeriiɗo daande nanndina e baaba maal walla abuu jubaa.
Ňemmbude woni rewtaade e njuɓɓudi golle neɗɗo e nehdi mum, e kala baɗe moƳƳe mum.

Kono ňemtin’de daande ko aayɗin’de mbaawka mum, ngati gooto fof ko e tagoodi daande mum, kala nde mbaylo-ɗaa daande ma , nde haayta rokkude ma ko dagdaa e mayre ko, kala nde mbaawnu-ɗaa eeraango daande , nde waawataa yottinan’de ma faandaare mayre.

Kala jimoowo e jaaynoowo e kala fannu yo wellit daande mum e no tagiranoo ni , so tawii aɗa welna daande ma cuɓo-ɗaa mbaydi karallaagal oolel daande ma.
Nde tawnoo daande ( sawtaango ) wayi kono diidi juuɗe ni hay heen gootel nanndaani e goɗngel hono mum, hay so nanndii ne heewaa.

Neɗɗo fof e daande mum e yeeso mum, ina saɗi ko yimɓe kaalata haa daaɗe mum’en ndonkee seerndeede e annduɓe ɗum’en, hay yeeso neɗɗo ne ko noon, ko ɗuum waɗi so neɗɗo waklii daande mum tan ustii martaba e daraja fotnoo fagganaade hoyre mum.

Binndo biɗto