Ardiiɗo lesdi ɗo dassa hakkilo dow wiya wiita himɓe hala anniya maɓɓe ha ñyibugo ruumirde heɓa Fulɓe Ruuma ha balɗe mabbe e acca ganci gam ɗo sabbitina kaɓe hakkunde maɓɓe e remooɓe.
Ruumirde ɓe yiɗi ñyibugo ɗo nukkure on nde durooɓe wanchoɓe ceeɗa, na durooɓe na’i tan weerata ha ton ba. nukkure man marran kujeji mo’iinki ngeedam bana Jangirde, saare ñyawundiigu himɓe e dabbaaji, Luumo e babal hakilgo kusel be kossam.
Weltinoroɓe be man lataaki Fulɓe tan kala durowo fu.
Gomnati tiggan ruumirde gam nga taski diidugo keerol ha wanchooɓe seeto, ngam ɗum laati fofodu ummol hakkilo hakkunde remooɓe e durooɓe ko ɗo sabbitina kaɓe e soyituki yonki e jawle.
Naffujji maajum laati;
- Joonde jam wonan hakkunde remooɓe e durooɓe.
- Dabbaji hissan piyyeji ko torratai e himɓe heban kussel jamel e kussam.
- Hoytanan dofta en dabbaaji laabi hakkilanki njamu maaji e fillobe palke en.
- Ustan jonde mere nder ummatoore.
Luuti ko himɓe wiata, Gomnati anninai jaftaago ladde hukuumaaji ko doola hukuumaaji fu. Ɗum tiggoto ha marɓe haaje ɓe tiggina ɓe.
Jonta ni hukuumaaji sappo e ɗiɗi holli haaje ha Ministaaku ndemri e ɓe wurtani ƴoole ɗe kuutinirte ha kuugal man, ko kamɓe tan ma he’an.
Mettuɗum mere hukuumaaji fere hollai haaje maɓɓe, gomnati bo doolai ɓe amma ɓe ɗo sukki himɓe wai gomnati yiɗi jaftango ɓe ƴoole maɓɓe.
Ɓurna maɓɓe fu ɗum ardiiɓe on ɓe ko njubdi ɓe saldori yobgo huwooɓe maɓɓe.
Gonga on Gomnati woodi babe ndurngol ha lesɗi ndi fu amma ndeni hunde man na doole nga haɗɗini ɗum ha lesɗe soppo e ɗiɗi holli ɗe haaje tan.
Min ɗo nodda hukuumaaji hawta hoore be gomnati dawrida ha wurtina laawol ngol waddata joonde jam. Banno en ɗo tefa laawol sulhu ɗo haandi ɓe habda ɓe tabbitinii wala mo billi ko faddi ha dimal hore je keeriji Amin hokki ɓe.
