Hannde Njeslaare malla Alarba, deental kollitooɓe to janngille jaami’a ngal ASUU, darnii tikkere nde ngal fuɗɗunoo nder lewru Mbooyi malla Maarisru, hitaande nde’e nde 2020. Hooreejo deental ngal Biodun Ogunyemi, anndinii jaayndiyankooɓe ka darnuki tikkere nden ton to laamorde lesdi ndi’i nde Abuja.
Deental ngal darnii tikkere nden nde lebbi joweenayi, ɓaawo ngal narridii e laamu lesdi ndi’i. Nihi waɗi tikkere nden darnaa. Ɓaawo ɓe neeɓii no ɓe njoɗdoo ammaa narral heɓaaka hakkunde maɓɓe naaki jooni. Non kamɓe maa fukaraaɓe ɓen e kadi deente ɗuuɗɗe neeɓi e nodda laamu lesdi e maa deental ngal dow ɓe narrinndira hakkunde maɓɓe ngam heɓa ɓe co”ee janngille maɓɓe.
Ministaajo Kuuɗe Chris Ngige han ardii narral ngal waɗaa. Haa laamu lesdi ndin yerdii e ɗaɓɓere deental ASUU ngal. Deental ngal ni, tefii laamu lesdi, rokka ceede wo”itinki jaami’aaje, e kadi yoɓuki-ɓe ngeenaari maɓɓe, nden kadi ɓe ittee nder noone njoɓdi IPPIS, e maa kadi, ɓe njoɓee nyamaande nde ɓe tokkata laamu lesdi ndin. Jooni ni, ngomnati jaɓi ko deental ngal raɓɓiti waɗee.
DEENTAL KOLLITOOƁE TO JAAMI’A DARNII TIKKERE -Surajo Teete
